Description
සමාජයේ සියලු තරාතිරම්වල පුද්ගලයන්ට තම ජීවිතය සාර්ථක කර ගැනීමට ප්‍රයෝජනවත් උපදෙස් පෙළක් සිතුවිලි 43ක් ලෙස මෙම පොතෙහි ඇතුළත් කර තිබේ. දශක 6කට අධික කාලයක් පොතෙහි කතෘ ලද පෞද්ගලික අත්දැකීම් මෙන් ම බෞද්ධ දර්ශනය ද එම සිතුවිලි සඳහා පාදක කර ගෙන ඇත. අන්‍යාගමිකයන්ට වුව ද සිය ජීවිතයට උපයෝගී කර ගත හැකි ලෙස ‘අප්‍රමාදය’, ‘හරි දේ කරන්න’, ‘කටේ කෙටේරියක්’ වැනි මාතෘකා යටතේ උපදෙස් රාශියක් මෙම පොතෙහි අඩංගුය. සරල බසින්, පහසුවෙන් කියවා තේරුම් ගත හැකි ලෙස උපමා ද සහිතව අදහස් ඉදිරිපත් කර ඇත. තමාට සුළු විවේකයක් හෝ විරාමයක් හෝ ලද අවස්ථාවක පොතෙහි සිතුවිල්ලක් කියවා ඒ පිළිබඳව කල්පනා කර බැලීමට හැකි ලෙස පොත නිර්‍මාණය කර තිබේ.
